Sektori për të Drejtat e Njeriut dhe Komunitete në kuadër të Drejtorisë për Administratë Komunale në bashkëpunim më OJQ ‘’Vision 02’’ dhe OSBE-në, më qëllim të shënimit të 24 Qershorit ‘’ Dita nacionale e komunitetit Egjiptian’’ mbajti tryezë me temën ‘’ Sfidat dhe angazhimet e institucioneve për realizimin e kërkesave të komunitetit Egjiptian dhe integrimi i tyre në shoqëri’’.
Qëllimi i kësaj tryeze ishte diskutimi lidhur me sfidat dhe angazhimet e institucioneve për realizimin e kërkesave të komunitetit egjiptian dhe integrimin e tyre në shoqëri.
Pjesëmarrës në këtë takim ishin: Nënkryetar i Komuniteteve Valmir Rama, drejtori i zyrës
regjionale të OSBE-së në Pejë Riccardo Celeghini, drejtori i Administratës Arben Kabashi, përfaqësues nga OJQ ‘’Vision 02’’, përfaqesues të UNMIK-ut, zyrtaret nga Sektori për të Drejtat e Njeriut dhe Komunitete .
Në kuadër të aktiviteteve për nder të ditës së Egjiptianëve, 24 Qershorit, po ashtu komuna e Istogut ka organizuar diskutim me pjesëtarët e komunitetit Egjiptian rreth pozitës së komunitetit, brengat dhe sfidat që i preokupojnë ata. Nënkryetari i Komunës Ali Nimanaj se bashku me nënkryetarin për Komunitete Valmir Rama dhe deputetin Fridon Lala dëgjuan kërkesat dhe rekomandimet e komunitetit.
