Këshilli Komunal për Siguri në Bashkësi (KKSB) i Komunës së Istogut, në mbledhjen e kryesuar nga koordinatori i këtij këshilli Skender Hasangjekaj , ka shqyrtuar këto pika të rendit të ditës: Procesverbali nga mbledhja e kaluar, Siguria në zonën e përgjithshme të PK, Informatë nga Institucionet tjera (KFOR-i, FSK-ja, Arsimi, SH.K.K.”Burgu i Dubravës” , Përfaqësues të komuniteteve etj)
Lidhur me piken e parë të rendit të ditës, Komandanti i Stacionit Policor në Istog, Enver Gashi gjendjen e sigurisë̈ në komunën e Istogut e vlerësoi të qetë dhe stabile. Komandanti Gashi foli për rastet e ndodhura gjatë tre mujorit të parë të vitit 2026. Gjatë kësaj periudhe ai tha se kanë pasur 158 raste të iniciuara, 47 aksidente me 12 lëndime dhe 35 me dëme materiale ,persona të lënduar 23. Në tre majorin e parë janë shqiptuar 2235 gjoba në trafik, janë arrestuar 119 persona ,të ndaluar 38 persona .
Gjatë kësaj periudhe janë duke u implementuar edhe disa plane operative si plani operativ për parandalimin e drogave dhe plani operativ për trafikun rrugor.
Ndërsa për pikat e tjera të rendit të ditës anëtarët e KKSB-së, raportuan për punën e tyre dhe shqetësimet të cilat i kanë adresuar qytetarët në lidhje me Siguri në bashkësi.
Anëtarët e KKSB-së, po ashtu bën pyetje për të cilat morën përgjigjet e tyre.
