Shënohet 21 Marsi “Dita Ndërkombëtare e Personave me Sindromën Down dhe Dita e Pranverës”
Me rastin e shënimit të 21 Marsit “Ditës Ndërkombëtare të Personave me Sindromën Down dhe Ditës së Pranverës”, Sektori për të Drejtat e Njeriut dhe Komunitete në kuadër të Drejtorisë për Administratë Komunale në bashkëpunim me Drejtorinë për Kulturë, Rini dhe Sport si dhe OJQ “Handikos” zhvilluan aktivitetin e përbashkët të mbjelljes së luleve me një grup fëmijësh me Sindromën Down.
Qëllimi i këtij aktiviteti ishte ngritja e vetëdijes së qytetarëve mbi nevojat dhe realizimin e të drejtave të personave me Sindromën Down dhe trajtimin e barabartë dhe jo diskriminues me qëllim të integrimit të tyre më të lehtë në komunitet.
Pjesë e këtij aktiviteti ishin Drejtorë të drejtorive komunale, zyrtarë të Sektorit për të Drejtat e Njeriut dhe Komunitete, prindër dhe Persona me Sindromën Down.
Falënderim i veçantë për kompaninë e cila shprehu gatishmërinë që vullnetarisht të dhurojnë lule për realizimin e këtij aktiviteti.
