Në ambientet e restorantit “Trofta” në Istog, Kolegjiumi i Zyrtarëve për Integrime Evropiane, ka mbajtur takim pune ku ishte i pranishëm edhe Zëvendës Ministri në Ministrinë për Integrime Evropiane, z. Arban Abrashi si dhe përfaqësues të Ministrisë së Administratës dhe Pushtetit Lokal.
“Më herët ne kemi prezantuar draftin e parë të cilin e kemi punuar bashkërisht me Asociacionin e Komunave të Kosovës, Ministrinë e Administrimit dhe Pushtetit Lokal dhe krejt kjo është bërë me qëllim që ta fuqizojmë agjendën evropiane në relacionin administratë-qeveri”, ju tha zv. Ministri z. Abrashi zyrtarëve për Integrime Evropiane.
Kolegjiumi, ka shqyrtuar draft dokumentin mbi Detyrat dhe Përgjegjësitë e Zyrtarëve për Integrime Evropiane, i cili dokument pas disa diskutimeve dhe propozimeve shtesë, në parim, u aprovua nga zyrtarët e pranishëm.
Ajo që tërhoqi vëmendjen e zyrtarëve të kolegjiumit, ishte titulli jo adekuat për këtë pozitë duke aluduar në atë se komunat duhet që Zyrat për Integrime Evropiane ti ngritin ose në Drejtori ose titulli i zyrtarëve të jetë “Udhëheqës të Zyrave për Integrim Evropian”, me çka këta zyrtarë do të stimuloheshin edhe materialisht për punën që ata kryejnë.
