Kryetari

ILIR FERATI – Kryetar i Komunës së Istogut

Ilir Ferati ka lindur më 18 dhjetor 1988 në Istog. Ka mbaruar shkollën fillore dhe të mesme në Istog ndërsa ka diplomuar në Universitetin Amerikan në Kosovë (AUK) në Drejtimet Politika Publike dhe Menaxhment.

Pas diplomimit, Iliri, për katër vite ka shërbyer si Zyrtar i Lartë për Projekte në Drejtorinë për Zhvillim Ekonomik në Komunën e Istogut. Si shërbyes civil është angazhuar kryesisht në tërheqjen e investimeve për zhvillimin e turizmit malor në Istog dhe gjithashtu ka kontribuar në sigurimin e granteve e mbështetjes komunale për qytetarët e bizneset e Istogut.

Në zgjedhjet nacionale të tetorit 2019 është zgjedhur deputet në Kuvendin e Republikës së Kosovës nga radhët e LDK-së. Përgjatë mandatit të deputetit ka qenë anëtar i komisionit për infrastrukturë, bujqësi dhe ambient, anëtar i komisionit hetimor për menaxhim të pandemisë, si dhe ka iniciuar ndryshimin e disa ligjeve e ndër ta edhe ligjin për shërbyesit civil – përkatësisht heqjen e kriterit që kërkon 2 vite përvoje pune për të u punësuar në institucionet publike. Ky inicim ndryshim është bërë me qëllim që të sapo-diplomuarit tanë të i kenë të gjitha kushtet për kyçje në tregun e punës pas diplomimit.

Iliri, në gusht të vitit 2021, ka shpallë kandidaturën për Kryetar të Istogut nga radhët e LDK-së dhe me 14 nëntor 2021 është zgjedhur Kryetar i Komunës se Istogut.

Është anëtar i Këshillit të Përgjithshëm, i kryesisë qendrore dhe i degës së LDK-së në Istog.

Përveç gjuhës amtare, Iliri flet dhe shkruan rrjedhshëm në gjuhen angleze.

Iliri është i martuar me Shpresën, ka një fëmijë dhe jeton në fshatin Gurrakoc të Istogut.

Kryetari i Komunës ushtron përgjegjësitë si në vijim:

a)Përfaqëson komunën dhe vepron në emër të saj
b)Udhëheq ekzekutivin e komunës dhe administratën e saj dhe mbikëqyr administrimin financiar të komunës
c)Ushtron të gjitha kompetencat, të cilat nuk i jepen në mënyrë eksplicite Kuvendit të Komunës apo komiteteve të tij
d)Ekzekuton aktet e Kuvendit të Komunës
e)Emëron apo shkarkon zëvendësit e tij/saj
f)Emëron dhe shkarkon anëtarët e tij, të cilët i ndihmojnë atij në kryerjen e detyrave
g)Organizon punën dhe drejton politikën e Komunës
h)Propozon rregullore, apo akte të tjera, për miratim në Kuvendin e Komunës
i)Propozon strategjinë zhvillimore komunale, planet rregullative dhe investuese, propozon buxhetin vjetor për miratim në Kuvendin e Komunës dhe e ekzekuton buxhetin e miratuar
j)Raporton para Kuvendit të Komunës për situatën ekonomiko-financiare të komunës dhe për zbatimin e planeve investuese të komunës, së paku njëherë në gjashtë muaj apo kurdoherë që kërkohet nga Kuvendi i Komunës
k)Mund të kërkojë që Kuvendi i Komunës ta shqyrtojë një akt komunal para hyrjes në fuqi, kur konsideron se akti cenon legjislacionin në zbatim apo interesin e komuniteteve
m)Aktivitetet tjera që i caktohen nga Kuvendi i Komunës.

Përgjegjësitë tjera të Kryetarit të Komunës janë si në vijim:

a)Mbikëqyr administrimin e përgjithshëm financiar të Komunës
b)Mbikëqyr zbatimin e të gjitha akteve juridike të aprovuara nga Kuvendi i Komunës
c)Delegon përgjegjësi te Drejtorët e drejtorive komunale dhe mbikëqyr zbatimin e përgjegjësive të deleguara
d)I propozon Kuvendit të Komunës ndryshime në lidhje me funksionin dhe numrin e drejtorive dhe funksionet e tyre në pajtim me legjislacionin në fuqi
e)I ofron propozime Kuvendit të Komunës për konstituimin, organizimin dhe koordinimin e organeve komunale, si dhe krijimin e institucioneve dhe ndërmarrjeve tjera publike
f)Bënë caktimin apo ndarjen dhe koordinimin e përkohshëm të punëve dhe përgjegjësive në mes të drejtorive sipas nevojës, duke pasur për bazë lëmin apo projektin e caktuar dhe përgjegjësi tjera të përcaktuara nga Kuvendi i Komunës.

Ekzekutivi i Komunës – Kryetari, për të ushtruar përgjegjësitë e përcaktuara me ligj dhe përgjegjësitë e përcaktuara nga Kuvendi i Komunës ndihmohet nga Nënkryetari i Komunës dhe Administrata Komunale-Drejtorët komunal.

ILIR FERATI – Kryetar i Komunës së Istogut

Përgjegjësit

How do I?

Si mund të?