Sot në Komunën e Istogut, nën përkujdesjen e Kryetarit të Komunës, z. Ilir F. Ferati, dhe me bashkëpunimin e ngushtë ndërmjet Drejtorisë për Shëndetësi (DSH), të udhëhequr nga Dr. Zenel Shatri, Qendrës Kryesore të Mjekësisë Familjare (QKMF), si dhe me mbështetjen e kompanisë KosovaMed, u realizua një aktivitet sensibilizues në Parkun e Qytetit me qytetarët e Istogut.

10/06/2025 10:01

Gjatë këtij aktiviteti u ofruan shërbime shëndetësore falas si:

• Matja e glicemisë (sheqerit në gjak)

• Matja e tensionit arterial

• Këshillimi për kujdesin dhe parandalimin e sëmundjeve kronike, si diabeti dhe hipertensioni

Aktivitetin e ndoqi nga afër edhe Drejtori i DSHMS-së, Dr. Zenel Shatri, i cili falënderoi ekipet shëndetësore për përkushtimin dhe profesionalizmin në shërbim të qytetarëve, si dhe shprehu mirënjohje për KosovaMed për mbështetjen dhe organizimin e këtij aktiviteti me vlerë për shëndetin publik.

Ky ishte një shembull i bashkëpunimit të suksesshëm ndërmjet institucioneve dhe sektorit privat në funksion të mirëqenies së komunitetit.

Shërbimi në shtëpinë tuaj

043 881 477 | 043 881 446

Rruga Mullinjët e Istogut, Istog, Republika e Kosovës

Kujdesuni për shëndetin tuaj!

How do I?

Si mund të?