Nën patronatin e Kryetarit të Komunës z.Ilir Ferati është shënuar 20 Qershori Dita e Çlirimit të Istogut , ditë kjo që u shenua me aktivitete të ndryshme.
Me një fjalë rasti në manifestimin e sotshëm Kryetari i Komunës së Istogut Ilir Ferati u shpreh se “Jemi mbledhur sot këtu, serish bashkë – si çdo vit, për të festuar ditën më të bekuar që qyteti jonë e ka përjetuar për shumë shekuj – ditën e çlirimit nga Serbia fashiste. Në ketë ditë të shenjtë me krenari shikojmë mbrapa e nderojmë e respektojmë të gjithë ata që punuan e luftuan deri ne frymën e fundit për Kosovën e lirë. Kujtojmë sot me krenari Presidentin Rugova, Familjen Jashari, e shumë e shumë gra e burra te tjerë që nuk kursyen asgjë për lirinë e këtij vendi.
Mirëpo kujt më shumë sot, e kënd më shumë sot, duhet ta falënderojmë se Ushtrinë Çlirimtare të Kosovës. E kujt më shumë sot i kemi borxh se djemve e vajzave që ranë për liri. Te rinj e të pa trembur, me vullnet plot e të vendosur dhanë më të çmueshmen, jetën e tyre, për Kosovën e lirë, ketë ëndërr të kamotshme të popullit tonë! Dëshmorët e UÇK-së janë dëshmia e luftës sonë të drejtë, e luftës tonë për liri, e luftës tonë për vendin tonë – janë dëshmia e luftës qe e fituam!
Ishin ata, te zjarrtë e të pa trembur, trima e me vullnet të pashoq, që vendosën të i kundërvihen armikut tonë të përjetshëm, ishin ata që nuk u trembën, që sakrifikuan, që nuk u zmbrapsën, që ne sot ta gëzojmë ketë liri, që ne sot ta festojmë ketë ditë çlirimi – bashkë e te pa trembur! Ishin ata, të vetmit e të pathyeshmit që e bënë te mundshme këtë ditë të sotme.”
Poashtu me rastin e shenimit të 24 vjetorit të Ditës së Çlirimit të Istogut u bë edhe zbulimi i Lapidarit të Dëshmorve të Istogut.
Manifistimi u përmbyll me një program kulturor-artistikë.
